Formación e orientación laboral/Marco normativo básico. Dereitos e deberes

Formación e orientación laboral
← Volver a Danos derivados do traballo	Marco normativo básico. Dereitos e deberes	Seguir con Riscos, enfermidades e a súa prevención →

O dereito á vida e á integridade física ─dereitos fundamentais─ son o punto de partida do conxunto de normas que pretenden protexer eficazmente ao traballador dos riscos aos que está exposto.

Estrutura

O punto de partida da regulación en materia de seguridade e saúde laboral é a Directiva Marco, pola que se insta a que os Estados membros poñan en vigor as disposicións legais, regulamentarias e administrativas necesarias en materia de seguridade e saúde laboral. Desta emana a Lei 31/1995, de Prevención de Riscos Laborais (LPRL), mediante un acto de transposición da devandita Directiva Europea ao dereito interno español.

En segundo lugar, é indispensable indicar que a estrutura da Lei de Prevención de Riscos Laborais permite articular un corpo básico de garantías e responsabilidades en materia de seguridade e saúde laboral, debido ao cal a empresa leva a cabo a acción preventiva baixo a aplicación dos principios establecidos no artigo 15: evitar os riscos, avaliar os que non se poidan evitar, combatelos dende a orixe, adaptar o traballo á persoa, ter en conta a evolución técnica, substituír o perigoso polo que entrañe pouco ou ningún perigo, planificar a prevención, antepoñer as medidas de protección colectivas ás individuais e instruír axeitadamente aos traballadores.

Dereitos e deberes

O terceiro capítulo da Lei de Prevención de Riscos Laborais recolle os artigos referidos aos dereitos e obrigas na materia.

Dereitos e deberes da empresa

• Protexer ao persoal.
• Informar, consultar e considerar as propostas do persoal.
• Protexer especificamente traballadores sensibles, menores e embarazadas.
• Proporcionar servizos de vixilancia periódica de saúde.
• Analizar e preparar calquera situación de emerxencia.
• Aplicar os principios preventivos.
• Formar en materia de prevención.
• Proporcionar equipos de protección individual.

Obrigas do traballador

• Cumprir as normas a teor da formación e instrución recibidas.
• Usar axeitadamente os equipos de traballo, equipos e medios de protección.
• Non incorrer na anulación de calquera dispositivo de seguridade.
• Informar dos riscos para a seguridade e saúde.
• Contribuír ao cumprimento das obrigas legais.
• Cooperar co empresario.

Notas

Formación e orientación laboral
← Volver a Danos derivados do traballo	Marco normativo básico. Dereitos e deberes	Seguir con Riscos, enfermidades e a súa prevención →