Exercicios de léxico en lingua galega/Encrucillados/Accidentes xeográficos

En Galilibros, o Wikibooks en galego.
Galilibro
Expresións
Refráns
Adxectivos pexorativos
Castelanismos
Encrucillados
Sinónimos
Antónimos
Sufixo -al
Sufixo -dade
Sufixo -mento
Sufixo -nte
Prefixo in-
Definicións 1
Definicións 2
Infinitivos
Outros Galilibros

Pistas[editar]

areeiro, arnela, arquipélago, atol, bacía, baias, canella, coial, con, cordal, corga, cornixa, cume, desfiladeiro, doira, encoro, enseada, esteiro, farallón, fervenza, fiorde, foz, furna, gabia, golfo, illote, litoral, peirao, penechaira, penedía, poza, pradería, quenlla, radas, rampla, regato, relanzo, ribeira, rochedo, socalco, valgada, verea.

Horizontal[editar]

4. Cordilleira, serra.

7. Agrupamento de illas.

11. Nome que recibe o accidente xeográfico consistente en penetrar entre dous cabos o mar na terra.

12. Caída de auga, abanqueiro, cachoeira, cadoiro, salto.

13. Remanso, lugar dun río que calman as augas.

14. Grande cavidade natural, feita nas rochas pola erosión producida polo mar.

16. Terreo estenso dedicado a que o gando paste.

17. Gran rocha ou conxunto de grandes rochas que se achan nun lugar elevado.

19. Ampla zona plana ou lixeiramente inclinada, orixinada pola erosión dunha rexión montanosa.

21. Terreo polo que as augas discorren cara a un río.

23. Encalco, presa, represa, vaira.

24. Vertente de inclinación pronunciada que remata no mar.

27. Lugar en que hai moitos penedos.

28. Enseadas pequenas en que poden ancorar tranquilamente os barcos.

30. Máis pequena có golfo, maior cá rada.

33. Desembocadura dun río que queda inundada coa preamar.

34. Vieiro estreito que se forma polo habitual paso de peóns e gando.

36. Val pequeno.

37. Bancal, bancada, terreo nivelado nunha encosta.

38. Coído, croieira, coieira.

Vertical[editar]

1. Costa dun país.

2. Rocha illada que sobresae no mar.

3. Paso angosto entre montañas, con paredes verticais.

5. Río moi pequeniño.

6. Pequeno río formado pola unión de regatos que baixan dos montes.

8. Vieiro angosto, esgrevio e con considerable pendente.

9. Rocha que sobresae do mar.

10. Golfo profundo, de orixe glaciar, entre ladeiras abruptas.

15. Máis pequena có golfo e máis grande cá cala.

17. Beira dun río.

18. Costa, pendente.

20. Focha que se enche de auga cando chove.

22. Praia nunha desembocadura dun río.

24. Canellón, rúa ou camiño entre paredes.

25. Illa pequena.

26. Areal.

27. Parte do porto en que atracan os barcos.

29. Torrente de auga revolta.

31. Illa circular de coral ou madrepórica cun lago interior comunicado co mar.

32. Rego algo fondo á beira das estradas.

35. Desembocadura / Garganta

Solucións[editar]