Administración do tempo/resumo e conclusións prácticas

En Galilibros, o Wikibooks en galego.
Saltar ata a navegación Saltar á procura
Galilibro
ADMINISTRACIÓN
DO TEMPO
Wall clock.jpg
Introdución
Tempo de calidade
Desaproveitando o tempo
Hábitos persoais
Causas da morosidade
O valor do tempo
O uso do tempo
Administración de actividades
Organizar actividades
Datas de seguimento
Actividades e obxectivos
Beneficios do planeamento
Pondo prioridades
Eficiencia na oficina
O "tempo morto"
Conclusións prácticas
Avaliación periódica

En resumo[editar]

Case tódalas persoas teñen o potencial de aforrarse de cinco a dez horas á semana. Para facelo requírese disciplina e dedicación ós principios básicos deste manual.

En resumo: necesitas identificar a porción de tempo sobre a que tes o control. Despois desenvolve procedementos para operacións repetitivas e/ou usa a tecnoloxía adecuada. Debes concentrarte nas actividades que máis te retribúan en termos de resultados.

Asimesmo, identifica e fai uso do teu tempo óptimo. Utiliza a túa mellor hora para realizar o traballo que requira maior concentración. Se é posible, establece un período de tranquilidade para dedicar a túa mellor hora para cando haxa asuntos presionantes.

Despois, establece obxectivos mensuais e desenvolve un plan para realizalos. Mantén certa flexibilidade para poder responder a situacións inesperadas. Determina, en orde de importancia, os pasos por seguir que se requiran para atinxir os teus obxectivos.

Analiza a forma en que utilizas o teu tempo. Leva o rexistro dunha semana típica; despois examina as túas actividades. Con esta análise determina as causas principais no desaproveitamento do teu tempo.

Finalmente, lembra que as ideas deste curso deben adaptarse á túa situación persoal.

Resumo escrito de Aprendizaxe[editar]

Agora, pódeche axudar escribir as cousas claves que aprendiches no libro.

Unhas palabras claves: Tema, Obxectivos, Experiencias / Consideracións/ Aspectos Clave, Accións que Seguirei


Conclusións prácticas[editar]

O tempo é un recurso non renovable. Non se pode recuperar o tempo perdido.

Para mellorar a administración do teu tempo, empeza descubrindo en que e como o estás gastando actualmente.

Dende o momento en que te organizas, o tempo é un aliado. Para o xefe é un activo. A sabedoría popular di: “O tempo é ouro”.

O tempo non voa. A escaseza de tempo é unha ilusión que resulta de administralo mal. O mellor xerador de tempo é a boa administración.

Os peores ladróns de tempo son: falta de planeamento, desorde, indecisión, perder de vista os obxectivos e concentrarse nas actividades, confundir o importante co urxente.

A persoa que máis interrompe a miña xornada de traballo son eu mesmo.

A administración do tempo laboral é esencialmente un esforzo de grupo. O traballo en equipo implica coordinación de actividades, axuda mutua e sincronización. Administrar o tempo é moito máis sinxelo e efectivo cando se practica en toda a organización.

Cada hora invertida planificando aforra varias horas na realización. Hai que preocuparse máis por traballar intelixentemente, que arduamente.

O tempo que un executivo dedica a planear debe de ser maior na medida que aumenta o seu nivel xerárquico.

Todo executivo debe planear períodos de concentración ininterrompida.

Emprega os últimos minutos laborables do día en planear por escrito a seguinte xornada. Isto axudarache a avaliar diariamente o uso que fas do tempo, a avaliar a consecución de logros e a establecer obxectivos de mellora a curto prazo.

Administración do Tempo[editar]

  • Reaccionar conscientemente fronte a ocasións frecuentes que implican risco de mal uso do tempo.
  • Identificar con precisión as súas causas particulares de desaproveitamento do recurso.
  • Elaborar listas “intelixentes” de prioridades de acción.
  • Distinguir efectivamente, e non só en teoría, a diferenza entre accións importantes e accións urxentes.
  • Avaliar con obxectividade o teu futuro uso do tempo para emprender as accións correctivas necesarias.
  • Investir o tempo en habilidades que nos aforren tempo. Por exemplo: aprender mecanografía, lectura rápida, etc.