Airsoft/Tácticas/Cobertura

En Galilibros, o Wikibooks en galego.
Saltar ata a navegación Saltar á procura
Galilibro
AIRSOFT
Wikibooks-logo.svg
Introdución
Equipo
Réplica
Accesorios
Melloras
Outros elementos
Mantemento do equipo
Consellos
Tácticas
Comunicación

Esta é sen dúbida a vantaxe máis importante dun equipo de dous homes. En calquera momento da operación hai risco de recibir lume dende unha área non cuberta. En aproximacións a calquera porta ou vehículo, débese utilizar un home que cubra. Ademais, durante un combate en habitacións ou estruturas pechadas, un home non pode dominar 360 graos, pero dous homes coordinados estreitamente si poden. Todo o mundo se sente máis seguro ó realizar unha acción se un canón amigo está cubrindo as áreas de perigo.

Superioridade de fogo: Nas operacións militares, a primeira etapa dun asalto exitoso é conseguir a superioridade de fogo. Significa realizar disparos máis certeiros cós que estás recibindo.

Fogo converxente Dous campos de disparo pódense combinar para cubrir un sector inimigo. Cando se planea un ataque ou unha defensa sempre tes que asegurarte de que os ángulos de disparo dos equipos se solapan.

Fogo de cobertura: O movemento a través dunha área dominada polo fogo inimigo debe evitarse cando sexa posible, e o método máis seguro de suprimir o fogo inimigo é obtendo a superioridade de fogo.

Fogo polos flancos: Un equipo coordinado de dous homes pode facer que un home realice disparos polos flancos, mentres que o outro avanza cara ao inimigo.

Fogo móbil: Se se usa un vehículo, o condutor pode concentrarse en conducir, mentres o outro home pode disparar ao obxectivo.

Respaldo: Nun equipo de dous homes hai que procurar que o equipo e as réplicas sexan o máis compatibles posibles.

Moral: Un equipo de dous homes ten unha gran vantaxe psicolóxica sobre un home só. Ter un amigo que poida axudar se che impactan e telo da túa parte en calquera situación aumenta de xeito considerable a moral.