Airsoft/Tácticas/Fume

O fume é unha das ferramentas de máis axuda se se utiliza adecuadamente. O primeiro que se pensa é saturar a área enteira con fume espeso, e aínda que poida parecer espectacular, nin ti nin o inimigo poderedes ver a máis de 10 metros e é cando empezan os problemas.

• Se as unidades de recoñecemento non determinaron a localización e número de inimigos non saberás onde te estás metendo.
• Mentres non poidas ver ao inimigo, pódese reposicionar ou facer un ataque polos flancos ou a retagarda.
• É difícil ter a situación baixo control, coordinar o equipo e o ataque.

O fume débese usar para cubrir unha retirada, como reclamo para un ataque ou para confundir aos inimigos que atacan. Outra gran utilidade é no combate urbano, como se detalla máis adiante.