Airsoft/Tácticas/Disparo e Movemento

En Galilibros, o Wikibooks en galego.
Galilibro
AIRSOFT
Introdución
Equipo
Réplica
Accesorios
Melloras
Outros elementos
Mantemento do equipo
Consellos
Tácticas
Comunicación

Baséase no principio que todo o movemento cara ao inimigo debe facerse cuberto baixo o lume amigo. Isto proporciona aos xogadores que avanzan beneficios que non terían doutro xeito.

O inimigo afástase con movemento, ruído e BBs que voan, e iso dá ao equipo de apoio información sobre as intencións do inimigo, e poden eliminalo, ou polo menos dar lume de supresión para que o inimigo non dispare sobre as unidades que avanzan. Isto prevén que o inimigo loite con efectividade e se reagrupe. Unha vantaxe é que os inimigos poden retirarse ou dividirse en grupos pequenos máis fáciles de eliminar. Hai algunhas cousas que fan esta manobra difícil:

  • Efectuar lume de supresión con réplicas de Airsoft pode ser difícil debido ás relativamente curtas distancias de disparo que teñen. Disparar continuamente é divertido, pero non é un xeito efectivo de usar a munición.
  • Non se pode avanzar en pasos maiores de 15 metros, xa que unha réplica de arma de Airsoft non chega máis lonxe.
  • O terceiro problema é que o equipo de soporte permanece nun lugar, e por iso pode ser branco de inimigos que ataquen por unha banda.

Á parte disto, esta é a técnica básica en que se basean outras técnicas, e aquí está unha delas:

Cada grupo fórmase con ata dous pares de membros. Chamaremos a estes pares Alfa e Beta. Con esta técnica, Alfa realiza lume de supresión mentres Beta avanza de 10 a 15 metros e cóbrese. Cando Beta acadou cobertura, comezan a realizar lume de supresión e Alfa para de facelo, e comeza a avanzar. Alfa pasa a Beta, avanza de 10 a 15 metros e cóbrese. Entón Alfa comeza o seu lume de supresión e o ciclo repítese. O lume de supresión é xenial, pero pensa en conservar a munición.