Airsoft/Tácticas/Limpeza de habitacións

Non esquezas os tipos de réplicas que son mellores para este tipo de combate. As réplicas curtas coma os subfusís e as pistolas son as mellores, pero as escopetas e as carabinas pódense usar, se se fai ben. O básico para limpar unha habitación é o que segue. É a versión militar, onde non te interesan os posibles reféns.

Un grupo debe limpar a habitación todo xunto. Tres persoas fan a limpeza mentres unha permanece fora comprobando a retagarda en caso de que a un inimigo se lle ocorra mirar por outra porta.

Antes de comezar a limpeza comproba unhas cantas cousas. ¿A porta ábrese cara a dentro ou cara a fóra?. Se hai máis dunha porta intenta entrar a través de todas á vez, aínda que pode ser necesario máis dun equipo. Se o equipo ten granadas, é o momento de usalas.

O primeiro home está preparado ao carón da porta, e o segundo sitúase no outro lado e prepara unha granada. O terceiro home sitúase no mesmo lado có home da granada. O cuarto comproba a área circundante. O primeiro home abre a porta e o segundo tira a granada dentro. Inmediatamente logo da explosión da granada, o primeiro e terceiro home entran. O primeiro comproba a habitación mentres o segundo cobre dende unha localización dende onde poida ver todo o posible da habitación. O lanzador da granada colle a súa arma e cobre a habitación dende a porta.

Cando unha habitación se limpou, vai á seguinte canto antes. Non berres, porque o único que fas é alertar aos inimigos próximos. Nunca marques as habitacións como limpas, xa que no tempo que pasou dende que se limpou os inimigos puideron retomala. Considera cada habitación como hostil.