Airsoft/Tácticas/Emboscar

En Galilibros, o Wikibooks en galego.
Saltar ata a navegación Saltar á procura
Galilibro
AIRSOFT
Wikibooks-logo.svg
Introdución
Equipo
Réplica
Accesorios
Melloras
Outros elementos
Mantemento do equipo
Consellos
Tácticas
Comunicación

A teoría detrás dunha emboscada é predicir por onde pasará o inimigo, colocarse en posición e esperar a que o inimigo caia na trampa. Isto raramente funciona porque nove de cada dez veces o inimigo pasa por outro camiño. Unha emboscada débese facer por onde o inimigo menos se espera. A forma máis doada de facer unha emboscada é facer un engado. Neste exemplo úsanse dous grupos (8 homes). Un par móvese por diante do resto e son o cebo.

O traballo do engado é localizar ao inimigo, disparar un par de disparos múltiplos e volver ao grupo principal, que prepararía unha apresurada emboscada. O engado pasa a través da emboscada e non se detén ata que os disparos empezan, entón volverá atrás e cubrirá a retagarda da emboscada, para que o inimigo non escape.

O grupo principal debe utilizar movementos tácticos simples cando se movan. O par que pertence ao mesmo grupo có engado é quen vixilia a retagarda. A emboscada débese facer en forma de L ou de liña, para evitar dispararse entre si.

Asegúrate de que unha réplica de arma de soporte estea situada ao final da emboscada, xa que así terá un bo ángulo de disparo. Se todo o mundo dispara ao mesmo inimigo, o resto terán un segundo ou dous para reaccionar. Todos deben disparar ao mesmo tempo, e cada un debe ter o seu ángulo de disparo. O último par empeza disparando aos primeiros inimigos, o par central dispara aos inimigos do centro, e o primeiro par inicia a emboscada cando o último par do inimigo pasa polo seu ángulo de disparo. Cando se eliminou ao último par do inimigo, dispárase cara ao centro, e ao resto de inimigos. Se se permiten granadas, úsaas, pero comprobade que non poden danar ao equipo propio.

Durante unha emboscada asegúrate de usar bengalas e calquera outra cousa que confunda ao inimigo. Sempre comproba que o inimigo entre na zona de minas cando estean dentro do perímetro da emboscada. Intenta esperar a que o inimigo estea a menos de 5 metros xa que así se incrementa a posibilidade de éxito. Se unha emboscada fracasa, realiza unha retirada controlada utilizando disparo e movemento mentres se usa fume como cobertura.