Esquizofrenia/Tratamento/¿Cal é a perspectiva para o futuro?

En Galilibros, o Wikibooks en galego.
Saltar ata a navegación Saltar á procura
Galilibro
A ESQUIZOFRENIA
Wikibooks-logo.svg
Introdución
Historia
Tratamento
Máis información

A perspectiva para o futuro das persoas con esquizofrenia mellorou nos últimos vinte e cinco anos. A pesar de que aínda non se descubriu unha terapia totalmente efectiva, é importante recordar que moitos pacientes melloran o suficiente como para manter unha vida independente e satisfactoria. Na medida que aprendamos máis sobre as causas e os tratamentos, poderemos axudar a que máis pacientes obteñan logros positivos.

Os estudos que seguen ás persoas con esquizofrenia durante un tempo longo, dende o primeiro episodio ata a idade avanzada, revelan que unha gran variedade de logros positivos é posible. Cando se estudan grupos de pacientes numerosos, obsérvase que algúns factores tenden a estar asociados con resultados mellores. Por exemplo, a boa adaptación social, escolar e de traballo antes da enfermidade leva a mellores resultados. Malia todo, os coñecementos actuais non permiten predicir con precisión suficiente o resultado a longo prazo de cada paciente.

Dada a complexidade da esquizofrenia, as preguntas principais sobre este trastorno, é dicir a súa causa ou causas, a súa prevención e tratamento, deben resolverse investigando. O público debe ser cauteloso cando alguén ofrece "a cura" (ou determina "a causa") da esquizofrenia. Ditas aseveracións poden provocar expectativas non realistas que, cando non se cumpren, levan a unha decepción grande. Aínda que se avanzou no entendemento e tratamento da esquizofrenia, é moi importante continuar investigando. O NIMH é a axencia federal líder en estudos de trastornos mentais. O NIMH leva a cabo e aporta fondos para un espectro amplo de estudos de investigación. Devanditos estudos cobren unha gamma ampla, dende os relacionados con xenética molecular ata os estudos epidemiolóxicos de gran escala de poboacións. Espérase que a investigación científica, incluíndo os estudos do cerebro, continúe iluminando os procesos e principios esenciais para entender mellor as causas da esquizofrenia e para desenvolver tratamentos máis eficaces.