Esquizofrenia/Tratamento/tratamentos psicosociais

En Galilibros, o Wikibooks en galego.
Galilibro
A ESQUIZOFRENIA
Wikibooks-logo.svg
Introdución
Historia
Tratamento
Máis información

Os medicamentos antisicóticos demostraron ser cruciais para aliviar os síntomas psicóticos da esquizofrenia, por exemplo as alucinacións, os delirios e a incoherencia, pero non son tan confiables cando se trata de síntomas do comportamento. Aínda cando o paciente está relativamente libre de síntomas psicóticos, pode ter dificultades de comunicación, motivación, actividades diarias e tamén dificultades para establecer e manter relacións con outros. Máis aínda, posto que os pacientes con esquizofrenia xeralmente enferman durante os anos críticos de formación profesional (é dicir entre os dezaoito e trinta e cinco anos de idade), é menos probable que completen a capacitación requirida para traballos cualificados. Polo tanto, moitas persoas con esquizofrenia, ademais de ter dificultades de pensamento e emocionais, carecen de experiencia e de habilidades sociais e de traballo.

Os tratamentos psicosociais poden ser de moita utilidade para estes problemas psicolóxicos, sociais e ocupacionais. Os métodos psicosociais son de valor limitado para os pacientes nunha etapa de psicose aguda; é dicir, aqueles que non teñen contacto coa realidade ou teñen alucinacións ou delirios prominentes. Así a todo, son útiles para os pacientes con síntomas menos graves ou para pacientes cuxos síntomas psicóticos están controlados. Existen moitas formas de terapia psicosocial para persoas con esquizofrenia, a maioría concéntranse en mellorar o funcionamento social do paciente, xa sexa no hospital ou na comunidade, na casa ou no traballo. Algúns destes métodos descríbense neste documento. Tristemente, a dispoñibilidade das diferentes formas de tratamento varía moito dun lugar a outro.

A esquizofrenia non é o mesmo que a "personalidade múltiple"

É un erro pensar que a esquizofrenia é o mesmo que a "personalidade múltiple", é dicir un cambio de personalidade coma no caso do Dr. Jekyll e o Sr. Hyde.

Este erro é bastante común.