Esquizofrenia/Tratamento/Psicoterapia individual

A psicoterapia individual inclúe sesións programadas con regularidade nas cales o paciente fala cun psiquiatra, un psicólogo, un traballador social ou un enfermeiro psiquiátrico. As sesións poden centrarse en problemas actuais ou pasados, experiencias, pensamentos, sentimentos ou reaccións persoais. O paciente pode chegar a entender gradualmente máis sobre si mesmo e os seus problemas ao compartir experiencias cunha persoa capacitada para entendelo e que ten unha visión obxectiva. Tamén pode aprender a distinguir entre o real e o distorsionado. Estudos recentes indican que tanto a psicoterapia individual de apoio orientada á realidade, como os métodos cognoscitivos e de comportamento, poden ser beneficiosos para os pacientes exteriores. Os métodos cognoscitivos e de comportamento ensinan técnicas de adaptación e solución de problemas. Malia os seus beneficios, a psicoterapia non é un substituto dos medicamentos antipsicóticos, e resulta máis útil unha vez que o tratamento con medicamentos aliviou os síntomas psicóticos.