Receitas de filloas/Filloas de sangue

En Galilibros, o Wikibooks en galego.
Galilibro
RECEITAS
DE FILLOAS
Wikibooks-logo.svg
De anís
De caldo
De centeo
De leite
De sangue
De verdura ao forno
Gratinadas
Recheas
Queimadas
Canelóns

As receitas aquí expostas serán de carácter sinxelo, a fin de favorecer unha rápida comprensión das mesmas. Os produtos pódense atopar en calquera establecemento dedicado á alimentación.

Ingredientes[editar]

  • 1 litro de leite
  • 4 ovos
  • 1 vaso de sangue de porco (preferentemente da máis recente á matanza)
  • 1 culleradiña de canela (algo de canela a maiores, para o remate)
  • 1 limón (a reladura)
  • fariña
  • manteiga de porco (no seu defecto, un chisco de touciño)
  • azucre

Preparación e presentación[editar]

  • Bátense os ovos, aos que se lle engade leite, sal, reladura de limón e unha culleradiña de canela. Namentres se bate hai que ir agregándolle pouco a pouco a fariña (sen deixar de bater) ata formar unha pasta solta. Engádeselle un vaso de sangue de porco e algo máis de fariña (se acaso se formaron grumos, débese de pasar a masa polo coador). Ponse ao lume a tixola e úntase con manteiga (ou cun ñasco de touciño posto no garfo); unha vez engraxada, bótaselle un pouco de masa, de forma que quede unha fina capa no fondo da tixola.

Deixase dourar e cóllese pola beira para voltala e que se doure polo outro lado. Se a tixola non ten suficiente graxa débese de volver a untala. Despois de retiralas pódenselles engadir azucre e canela. Hai quen reserva unha torre e ao cabo dunhas horas (untada de novo en graxa a tixola) vólveas a requentar (a filloa neste caso xa ten outro sabor que invita moito mellor que na primeira vez).

Nota: Esta é a receita orixinal a cuxo nome se lle debe a que hoxe sexa coñecida coa denominación de Filloa, polo que se debe de ter claro que a filloa leva sangue de porco (segundo a tradición), namentres que as filloas que carecen deste compoñente (o sangue) soen ser denominadas baixo o termo Freixó. Pero como se di no artigo principal, a tradición gastronómica popular xuntou as duas receitas orixinais (Filloas de leite e a filloas de sangue) baixo o mesmo termo co que hoxe é coñecido mundialmente: O termo de Filloa.

Provén do artigo principal da Galipedia Filloa