Receitas de filloas/Filloas recheas ao licor

En Galilibros, o Wikibooks en galego.
Galilibro
RECEITAS
DE FILLOAS
De anís
De caldo
De centeo
De leite
De sangue
De verdura ao forno
Gratinadas
Recheas
Queimadas
Canelóns

As receitas aquí expostas serán de carácter sinxelo, a fin de favorecer unha rápida comprensión das mesmas. Os produtos pódense atopar en calquera establecemento adicado a alimentación.

Ingredientes[editar]

Para as Filloas:

  • medio litro de leite temperado
  • 250 Grs de fariña
  • 75 Grs de zucre
  • 2 culleradas de pingo
  • 2 culleradas de coñac
  • 3 ovos
  • aceite (ou touciño para engraxar a tixola)

Para o recheo:

  • 100 Grs de améndoas moídas
  • 100 Grs de manteiga
  • 50 Grs de avelás
  • 1 culleradiña de canela
  • 1 copa de coñac
  • 1 vaso de coñac (para queimar)

Preparación e Presentación[editar]

  • Mestúranse os ovos batidos co azucre e metade do leite. No caso de apareceren grumos, pásase polo coador "chinés" para desfacelos. Namentres seguimos mesturando, agrégaselle pingo (ou manteiga), sal e coñac; e deixamos a repousar media hora. Neste tempo aproveitaremos para engraxar a tixola na que se fan as filloas (o proceso de facelas é o mesmo que nas outras receitas).
  • Para o recheo bátese a manteiga e agrégaselle a metade das améndoas e as avelás (os dous produtos previamente tostados e moídos), xunto coa copa de coñac. A mestura ten que acadar a forma de pasta, coa que se rechearán as filloas.

Colócanse nun recipiente e botámoslles por encima un pouco de azucre, canela e améndoa picada. Quéntase un pouco o recipiente e logo régase con coñac o fondo, plantándolle lume a continuación. Pódese cambiar o coñac por outro licor (calquera ao gusto do consumidor); pero soen quedar ricas con aguardente de herbas.

Provén do artigo principal da Galipedia Filloa