Cociña/Filloas de caldo

En Galilibros, o Wikibooks en galego.

As receitas aquí expostas serán de carácter sinxelo, a fin de favorecer unha rápida comprensión das mesmas. Os produtos pódense atopar en calquer establecemento adicado a alimentación.

Ingredientes[editar]

  • 1 pata de porco (xeralmente a zona do pezuño)
  • 1 óso de cana
  • 4 ovos
  • 750 Grs de fariña (máis ou menos)
  • 2 litros de auga
  • 100 Grs de touciño (para preparar a tixola)
  • sal

Preparación e Presentación[editar]

  • Faise un caldo coa pata de porco (tamén se pode engadir tenreira) e o óso de cana nos 2 litros de auga, déixase cocer lentamente. Sepárase e déixase enfriar. Batense os ovos coma se fose para facer unha tortilla e botáselle unha taza de caldo (xa previamente feito) e mestúrase fariña coa premisa de que non se formen grumos (de suceder isto, terase que pasar a masa por un coador chinés). Para facer as filloas prepárase a tixola untándoa de touciño que estará cravado nun garfo. Cando xa estea quente engádeselle a ollo (como dúas culleradas) de masa de modo que cubra xusto o fondo da tixola cunha capa moi fina; o sobrante pódese escorrer (hai que procurar que as filloas sexan o máis finas posible).

Para voltar cando se vexa que medio quere dourarse, basta con arrimarlle a punta dun coitelo e cos dedos collela polas beiras e darlle a volta. Con caldo sobrante podese facer unha sopa de acompañamento para cando xa estean as filloas feitas.

Provén do artigo principal da Galipedia Filloa