Curso de lingua galega/O alfabeto
|
Gramática |
Ir a: Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico
A Normativa oficial do galego (na wikipedia galega)
O alfabeto galego componse de 23 letras (As ligazóns levan á Wikipedia):
(Véxase tamén: Pronuncia do alfabeto galego no wiktionary)
O alfabeto galego
| Grafía | Nome | Pronuncia |
|---|---|---|
| a | a | /a/ |
| b | be | /b/ |
| c | ce | /θ/, /k/ |
| d | de | /d/ |
| e | e | /e/, /ɛ/ |
| f | efe | /f/ |
| g | gue | /g/ |
| h | hache | muda |
| i | i | /i/, /j/ |
| l | ele | /l/ |
| m | eme | /m/ |
| n | ene | /n/ |
| ñ | eñe | /ɲ/ |
| o | o | /o/, /ɔ/ |
| p | pe | /p/ |
| q | que | /k/ |
| r | erre | /ɾ/, /r/ |
| s | ese | /s/ |
| t | te | /t/ |
| u | u | /u/, /w/ |
| v | uve | /b/ |
| x | xe | /ʃ/, /ks/ |
| z | zeta | /θ/ |
Ademais, na ortografía galega utilízanse tamén os seguintes dígrafos que representan un único son:
Dígrafos usados no galego
| Grafía | Nome | Pronuncia |
|---|---|---|
| ch | ce hache | /ʧ/ |
| nh | ene hache | /ŋ/ |
| gh | gue hache | /h/ |
| gu | gue u | /g/ |
| qu | que u | /k/ |
| ll | ele dobre | /ʎ/ |
| rr | erre dobre | /r/ |
Cómpre ter en conta que ...
[editar]- Ademais destas letras úsanse tamén outros signos como j /x/ (iota),k /k/ (ka), ç /z/ (cedilla), w /w/ (uve dobre), ou y /j/ (i grego), que aparecen en palabras tomadas doutros idiomas. Algúns exemplos son: jazz, Valença do Minho, Kafka, wáter-polo e whisky.
- A letra x (xe) representa no galego normalmente un son palatal semellante ao francés cochon coma en xamón, xouba, coxo e paxaro. Este son aparece con moita frecuencia nas voces patrimoniais ou nos préstamos adaptados ao galego, por exemplo xersei.
- Pero co x representamos tamén outro son, o que se pronuncia [s], [gs] ou [ks], que aparece en palabras de procedencia culta tales como texto, extensión, exame, existir, léxico, boxeo.
- O son representado pola grafía nh das palabras unha, algunha e ningunha, constitúe xunto co x e os fonemas vocálicos un dos sons máis característicos do galego, co que as persoas que comezan a falar a lingua atopan máis problemas.
Ir a:
Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico
A Normativa oficial do galego (na wikipedia galega)