Curso de lingua galega/O verbo/O participio
|
Gramática |
Ir a:
Exercicios sobre o verbo
Ir a:
Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico
A Normativa oficial do galego (na wikipedia galega)
O participio é unha das formas infinitas do verbo. Posúe flexión de xénero e número e fórmase, se é regular, mediante a regra raíz + vogal temática + do, da, dos ou das (Obsérvese que a vogal temática da segunda conxugación neste caso é "i"):
- And-a-do, and-a-da, and-a-dos, and-a-das.
- Coll-i-do, coll-i-da, coll-i-dos, coll-i-das.
- Part-i-do, part-i-da, part-i-dos, part-i-das.
Agora ben, ademais de participios regulares, hai participios irregulares como os do seguinte listado:
- aberto, absolto, aceso, acolleito, adscrito, arrepeso, avolto, calmo, canso, circunscrito, colleito, comesto, confuso, converso), convicto), corrupto), choco, descalzo, descrito, desenvolto, desenvolveito, desperto, directo), disolto, enceso, encolleito, envolto, envolveito, enxoito, escolleito, escorreito, escrito, esperto, farto, frito, gaño, impreso, inquedo, inquieto, inscrito, limpo, morto, mundo, nado, nubro, pago, preñe, preso, quedo, quente, quieto, recolleito, resolto, revolto, revolveito, rizo, roto, zafo, seco, sobrecolleito, solto, suscrito, suspenso, suxeito, tolleito, torto, volto.
Polo que respecta ó uso do participio regular e irregular, o máis xeral é
- o emprego das formas regulares como elemento auxiliado nas perífrases verbais:
- Non dou pagado nunca. Sempre me invitades.
- Teño moido moita fariña nese muíño
- o uso das formas irregulares como atributo nas construccións con ser e estar, como complemento predicativo, e como adxacente dun nome.
- O café está pago.
- Xa teño munda a fariña
O participio truncado
[editar]Son participios irregulares que aparecen en verbos da primeira conxugación: cansado/canso, descalzado/descalzo, espertado/esperto, pagado/pago, fartado/farto, gañado/gaño, preñada/preñe, quedado/quedo, zafado/zafo, soltado/solto, suxeitado/suxeito
O participio forte
[editar]Son participios irregulares que aparecen en verbos da segunda e da terceira conxugación: colleito/collido, encolleito/encollido, escolleito/escollido, recolleito/recollido, tolleito/tollido, enxoito/enxugado, volto/volvido, revolto/revolvido, escorreito/escorrido, torto/torcido, frito/fritido, roto/rompido, comesto/comido, mundo/moído, aceso/acendido, enceso/encendido, preso/prendido, arrepeso/arrepentido, nado/nacido, envolto,envolveito/envolvido, desenvolto/desenvolvido
Listaxe de participios irregulares
[editar]- absolto
- aceso
- acolleito
- adscrito
- arrepeso
- avolto
- calmo
- canso
- choco
- circunscrito
- colleito
- comesto
- confuso
- converso
- convicto
- corrupto
- descalzo
- descrito
- desenvolto
- desenvolveito
- desperto
- directo)
- disolto
- enceso
- encolleito
- envolto
- envolveito
- enxoito
- escolleito
- escorreito
- escrito
- esperto
- farto
- frito
- gaño
- impreso
- inquedo
- inquieto
- inscrito
- limpo
- morto
- mundo
- nado
- nubro
- pago
- preñe
- preso
- quedo
- quente
- quieto
- recolleito
- resolto
- revolto
- revolveito
- rizo
- roto
- seco
- sobrecolleito
- solto
- suscrito
- suspenso
- suxeito
- tolleito
- torto
- volto
- zafo
Ir a:
Exercicios sobre o verbo
Ir a:
Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico
A Normativa oficial do galego (na wikipedia galega)