Curso de lingua galega/O persoal/Átono/Uso de "llo" e "llelo"

En Galilibros, o Wikibooks en galego.
Saltar ata a navegación Saltar á busca

Curso de L. Galega

Gramática

Historia da Lingua

Ir a: Exercicios sobre llelo
Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 


Para o complemento indirecto de terceira persoa as formas máis frecuentes no Bloque Central e Oriental de Galicia, así como as normativas na escrita e determinados usos públicos, son "lle" (terceira persoa de singular do obxecto indirecto ou P3) e "lles" (terceira persoa de plural de obxecto indirecto ou P6):

  • Díxenlle iso a el (ou a ela)
  • Díxenlles iso a eles (ou a elas).

No Bloque Occidental, en cambio, non distinguimos eses dous complementos e temos, polo tanto, unha único pronome para a terceira persoa do singular e do plural do pronome persoal átono de complemento indirecto. Esta forma é "lle":

  • Díxenlle iso a el (ou a ela).
  • *Díxenlle iso a eles (ou a elas).

No Bloque Occidental, e por non empregarmos "lles" nunca, tampouco faremos as contraccións "llelo", "llela", "llelos", "llelas". É obrigatorio na escrita o uso de "lles" e das súas contraccións ("llelo", "llela", "llelos", "llelas"), sendo un trazo dialectal na fala a súa ausencia.



Oración Obxecto directo dirixida a Resultado
Díxenlle iso a el ou a ela Díxenllo
Díxenlle a nova a el ou a ela Díxenlla
Díxenlle os erros a el ou a ela Díxenllos
Díxenlle as novas a el ou a ela Díxenllas
Díxenlles iso a eles ou a elas Díxenllelo
Díxenlles a nova a eles ou a elas Díxenllela
Díxenlles os erros a eles ou a elas Díxenllelos
Díxenlles as novas a eles ou a elas Díxenllelas



Cando o pronome vai proclítico, antes do verbo, a escrita é como segue: Non llelas trouxen.

Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 
Ir a: Exercicios sobre llelo