Curso de lingua galega/O verbo

En Galilibros, o Wikibooks en galego.
Saltar ata a navegación Saltar á procura

Curso de L. Galega

Gramática

Historia da Lingua

Ir a:   Exercicios sobre o verbo 
Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 


Un verbo é unha palabra que nunha oración expresa unha acción ou a existencia ou estado dos seres. En xeral, o verbo é a palabra máis importante dunha oración, de tal xeito que se di que non hai oración sen verbo. Así, os seguintes enunciados que son moi claros pero non son oracións porque non teñen verbo:

  • Grandes almacéns
  • Rebaixas
  • Bo aninovo!

En troques, as seguintes son oracións porque están formadas, como mínimo, por un verbo:

  • Xa veño!
  • Espérame!
  • Corre!

De que está formado un verbo?[editar]

Toda forma verbal está formada por diversas partes: algunha fixa, chamada raíz ou lexema, e outras variables, chamadas teminacións ou morfemas: cant-abamos, cant-aría, cant-edes, cant-o, ...

O lexema ou raíz expresa o contido significativo ou semántico do verbo. Os elementos auxiliares expresan o número, a persoa, o tempo e o modo.

O número[editar]

O número pode ser singular o plural. Márcase trocando a terminación do verbo: canto/cantamos, cantas/cantades, canta/cantan.

A persoa[editar]

A persoa márcase cambiando algúns elementos da terminación verbal. Pode ser primeira persoa (canto/cantamos), segunda (cantas/cantades) ou terceira (canta/cantan).

O tempo[editar]

Basicamente pode ser presente, pasado (ou pretérito) e futuro; pero pode haber moitos matices, sobre todo no pasado: máis próximo, máis distante, ...

O modo[editar]

Expresa a actitude subxectiva de quen di a frase. Pode ser indicativo (modo da realidade), subxuntivo (modo da irrealidade, do desexo, da hipótese ou da dúbida) ou imperativo (unha orde, un mandamento, unha instrución).

Cómpre ter en conta tamén algunhas formas non personais (que non indican persoa ningunha) do verbo: o infinitivo, o xerundio e o participio.


Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 
Ir a:   Exercicios sobre o verbo