Curso de lingua galega/O verbo/Verbos Irregulares/Ser, estar e ir

Curso de L. Galega

Gramática

Primeiras normas O alfabeto As vogais Recoñecer a abertura media As consoantes A gheada O seseo A acentuación O substantivo Masculino e feminino Singular e plural O Adxectivo A gradación Os determinantes O artigo O demostrativo O posesivo O numeral O indefinido O relativo O persoal O persoal tónico O persoal átono Pron. de solidariedade "Te" e "che" "Llo" e "llelo" Colocación O adverbio Nexos A preposición A conxunción Construcións comparativas A interxección O verbo Verbos regulares Paradigma Morfemas VV. regulares con alternancia Verbos Irregulares Paradigma Facer dicir e haber Pór, dar e saber Ser, estar e ir Valer, poder e querer Ver, vir e ter O participio O infinitivo conxugado As perífrases

Historia da lingua

Formación O substrato Romanización e latinización Concepto de lingua romance O latín vulgar Fontes Do clásico ó vulgar O latín da Hispania Listado de linguas románicas Exemplo O superestrato Substrato cultural O adstrato A Idade Media Os séculos escuros A ilustración O Rexurdimento Ata a Guerra Civil A ditadura franquista A democracia

Ir a:   Exercicios sobre o verbo 
Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 

Os verbos ser, estar e ir son irregulares, é dicir, teñen temas diferentes para o presente e para o perfecto: somos/fomos, esta-mos/estive-mos, imos/fomos ... ademais doutras irregularidades. A seguinte táboa amosa o presente de indicativo e de subxuntivo para estes verbos.

Verbo Ser
Presente de Indicativo	Presente de Subxuntivo
eu son	eu sexa
ti es	ti sexas
el/ela é	el/ela sexa
nós somos	nós sexamos
vós sodes	vós sexades
eles/elas son	eles/elas sexan

Verbo Estar
Presente de Indicativo	Presente de Subxuntivo
eu estou	eu estea
ti estás	ti esteas
el/ela está	el/ela estea
nós estamos	nós esteamos
vós estades	vós esteades
eles/elas están	eles/elas estean

Verbo Ir
Presente de Indicativo	Presente de Subxuntivo
eu vou	eu vaia
ti vas	ti vaias
el/ela vai	el/ela vaia
nós imos	nós vaiamos
vós ides	vós vaiades
eles/elas van	eles/elas vaian

Vexamos algúns exemplos que utilizan estes verbos:

• Camilo é o fillo de Xosé que está en Cangas.
• Na miña clase somos 13 mulleres e 10 homes.
• Vas ir malia que sexa tarde.
• Miña nai quere que vaia ao mercado con ela.
• ¡Que ben que estades alí na piscina!
• Nós somos de Vigo, ¿Vós sodes de Ourense?
• Meu pai vai no traballo.
• Quero que esteamos alí antes da noitiña.
• Hai moito tempo que non vou pola praia.
• Rapaces, ¿que trasnada estades a facer?
• ¿Onde vai Carlos?

Os verbos ser, estar e ir presentan irregularidades na súa conxugación en tempo pasado:

Verbo Ser
Imperf. de Indicativo	Pretérito perfecto	Pluscuamperfecto	Imperf. de Subxuntivo
eu era	eu fun	eu fora	eu fose
ti eras	ti fuches	ti foras	ti foses
el/ela era	el/ela foi	el/ela fora	el/ela fose
nós eramos	nós fomos	nós foramos	nós fósemos
vós erades	vós fostes	vós forades	vós fósedes
eles/elas eran	eles/elas foron	eles/elas foran	eles/elas fosen

Verbo Estar
Imperf. de Indicativo	Pretérito perfecto	Pluscuamperfecto	Imperf. de Subxuntivo
eu estaba	eu estiven	eu estivera	eu estivese
ti estabas	ti estiveches	ti estiveras	ti estiveses
el/ela estaba	el/ela estivo	el/ela estivera	el/ela estivese
nós estabamos	nós estivemos	nós estiveramos	nós estivésemos
vós estabades	vós estivestes	vós estiverades	vós estivésedes
eles/elas estaban	eles/elas estiveron	eles/elas estiveran	eles/elas estivesen

Verbo Ir
Imperf. de Indicativo	Pretérito perfecto	Pluscuamperfecto	Imperf. de Subxuntivo
eu ía	eu fun	eu fora	eu fose
ti ías	ti fuches	ti foras	ti foses
el/ela ía	el/ela foi	el/ela fora	el/ela fose
nós iamos	nós fomos	nós foramos	nós fósemos
vós iades	vós fostes	vós forades	vós fósedes
eles/elas ían	eles/elas foron	eles/elas foran	eles/elas fosen

Non debemos esquecer que as formas eramos, erades, iamos, iades, foramos, forades teñen en galego acentuación grave (a propia e característica da nosa lingua) e non esdrúxula coma o español.

As formas verbais do pasado de ser e ir coinciden en ambos verbos no pretérito perfecto, no pluscuamperfecto e no imperfecto de subxuntivo. Distinguímolas polo contexto.

Vexamos algúns exemplos que utilizan estes verbos:

• Camilo foi a Cangas.
• Non sabía que Carme estaba tan enferma.
• Teu pai estivo aquí hai un intre.
• Xa vos dixen que estivésedes sentados!
• Atopei a María mentres ía cara ao mercado.
• ¿Estivestes xogando coa auga?
• No verán fomos a Portugal.
• Eu pensei que ti eras irmán de Carlos.
• Maruxa dixo que fostes visitala.

Ir a:   Exercicios sobre o verbo 
Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega)