Curso de lingua galega/O persoal/Átono

En Galilibros, o Wikibooks en galego.
Saltar ata a navegación Saltar á procura

Curso de L. Galega

Gramática

Historia da lingua

Ir a: Exercicios sobre o persoal

Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 


Os pronomes persoais átonos son os seguintes:

Pronomes persoais átonos
Obxecto indirecto Obxecto directo Reflexivo
me me me
che te te
lle o, lo, no / a, la, na se
nos nos nos
vos vos vos
lle os, los, nos / as, las, nas se
  • me: (en castelán, me): Viume onte. Deume un regalo.
  • te / che: (cast. te): Viute o outro día. Vinche o embigo.
Cando ó poñer a frase en terceira persoa, o pronome resultante sexa o (lo, no), en segunda persoa será te: Vino o outro día.Vinte o outro día.
Cando ó poñer a frase en terceira persoa, o pronome resultante sexa lle, en segunda persoa será che: Vinlle o embigo.Vinche o embigo.
  • o (lo, no); a (la, na); os (los, nos); as (las, nas)
Cando van diante do verbo sempre se emprega o (“Non o vin”); cando este pronome vai despois do verbo pode adoptar as seguintes formas:
  • o, a, os, as: Empréganse cando o verbo co que vai remata en vogal que non forme ditongo ou en consoante distinta de -r ou -s: cántao (cast. lo canta), cántano (cast. lo cantan)
  • lo, la, los, las: Emprégase cando o verbo co que vai remata en -r ou -s: cantalo (cast. cantarlo)
  • no, na, nos, nas: emprégase cando o verbo co que vai remata en ditongo: canteino (cast. lo canté); comeuno (cast. lo comió)
  • lle, lles (en castelán correspóndense ós pronomes le, les de obxecto indirecto): Merqueille un libro ao neno. Xa lles falei de ti.
  • nos: (cast. "nos"): Ela viunos. Xosé pediunos a receita.
  • vos: (cast. "vos"): Prestáronvos o libro.

Contraccións do persoal átono[editar]

O persoal átono de obxecto indirecto contrae cos pronomes persoais átonos de terceira persoa de obxecto directo:

Contraccións de pronomes de obxecto directo + indirecto
  o a os as
me mo ma mos mas
che cho cha chos chas
lle llo lla llos llas
nos nolo nola nolos nolas
vos volo vola volos volas
lles llelo llela llelos llelas

Por exemplo:

  • deumo/deicho/deillo ó neno
  • déunolo/déuvolo/déillelo ós nenos

Sobre o persoal átono[editar]

Ir a:   Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico 

  A Normativa oficial do galego (na wikipedia galega) 

Ir a: Exercicios sobre o persoal